2025 жылғы 29 мамырда «Саран қаласының мемлекеттік архиві» КММ-де, «31 мамыр саяси қуғын-сүргін құрбандарын еске алу» күніне орай, «Қуғын-сүргін тарландары» атты дөңгелек үстел өткізілді. Шараға қаламыздың жастарға үлгі боларлық қалалық қоғам мүшесі, кітап жинақтаушы, бірнеше кітаптардың авторы С.Х.Мустафин және №7 мектеп директоры Қ.Д.Махаметчин, мұғалімдер, архив ұжымы қатысты. Дөңгелек үстелді архив басшысы А.Кулжанбеков ашып, қуғын-сүргін құрбандарына қатысты деректерге шолу жасап, оларды үнемі құрметтеуге тұнған тарих архивте сақталатынын, ары қарай жастар құрметтеуге міндетті екенін атап өтті. Жиында «Алаш қайраткерлеріне қатысты тың деректер» атты баяндама оқылып, видеоролик пен кітаптар көрмесі көрсетілді.